با اعز نفسي عنك لو ماني بخير

المنسي السبت ديسمبر 13, 2008 10:44 am

برحل وانا باشوف وش ممكن يصير
وانت اعتبر صاحبـك ميـت وفانـي

لاني تعبت من السهـر والمشاويـر
واتعبت قلب ٍ صابـرٍ لـك عشانـي

ولا اعتبرها من صـدوف المقاديـر
ولا اعتبرهـا غلطـةٍ مـن زمانـي

خلاص ما تنفـع كبـار المعاذيـر
دامي رخصت وبعتنـي فـي ثوانـي

باعز نفسي عنك لو مانـي بخيـر
واقطع سواليـف الهـوى والامانـي

لاني كذا مخلوق في طبعـي كبيـر
ماني عديم احسـاس ولانـي انانـي

يا ما على شوفتك سقت التباشيـر
وياما نثرت الهـرج لجلـك اغانـي

واليوم كنه مال حبك علـى الغيـر
بدّلت واحد مـا رضـا فيـك ثانـي

تبي اكمل .. ولا تصبح على خيـر
بكره تعاني مثـل مـا انـا اعانـي

بكره تعاني مثـل مـا انـا اعانـــي

بكره تعاني مثـل مـا انـا اعانــــــي